VIDEO: მამუმ ვერ ითამაშა - ტორონტომ რეგულარულში 25-ე გამარჯვება ინდიანაში იზეიმა

სანდრო მამუკელაშვილის ტორონტო რეპტორსმა, NBA-ის რეგულარულის მისთვის 42-ე შეხვედრაში, აღმოსავლეთ კონფერენციის ბოლოადგილოსან ინდიანა პეისერსს სტუმრად 14-ქულიანი სხვაობით მოუგო - 115:101.

ამერიკული გამოცემების ინფორმაციით, მამუ ავადაა, რის გამოც აღნიშნულ მატჩში გუნდს ვერ ეხმარებოდა. მის დაბრუნებას უკვე შემდეგ თამაშში ელოდებიან.

რეპტორსის მხრიდან, ორმაგი დუბლი 3-მა კალათბურთელმა შეასრულა - სკოტი ბერნსმა (26 ქულა, 7 მოხსნა, 13 ასისტი), გრეიდი დიკმა (21 ქულა, 11 მოხსნა, 3 ასისტი) და კოლინ მარეი-ბოილმა (10 ქულა, 10 მოხსნა, 3 ასისტი).

დარკო რაიაკოვიჩის გუნდმა სეზონში 25-ე გამარჯვება იზეიმა და აღმოსავლეთ კონფერენციის მე-5 ადგილი კიდევ უფრო გაიმყარა. ლიდერ დეტროიტს 3 მოგებით ჩამორჩებიან, თუმცა დეტროიტელებს 4 მატჩით ნაკლები აქვთ ჩატარებული.

17 იანვრის 04:30 საათზე, კანადელები უმასპინძლებენ ლოს ანჯელეს კლიპერსს, რომელიც დასავლეთ კონფერენციის ერთ-ერთი აუტსაიდერია (მე-11 ადგილი).