VIDEO: მბიუმოს დუბლი და კუნიას სადებიუტო - მანჩესტერმა პრემიერ ლიგაში ზედიზედ მე-3 მატჩი მოიგო

პრემიერ ლიგის მე-9 ტურში მანჩესტერმა საკუთარ კედლებში ბრაიტონი დაამარცხა.

ოლდ ტრაფორდზე გამართული შეხვედრა მასპინძელთა გამარჯვებით 4:2 დასრულდა.

61-ე წუთისთვის კუნიას, კაზემიროს და მბიუმოს გოლებით იუნაიტედი 3:0-ს იგებდა, თუმცა ყურადღება მოადუნა და სტუმრებს თამაშში დაბრუნების საშუალება მისცა - ჯერ უელბეკმა გაქვითა ერთი ბურთი, შემდეგ კი, მატჩის მიწურულს, კოსტულასმა შეძლო სხვაობის მინიმუმამდე დაყვანა.

თუმცა, წერტილი შეხვედრაში მაინც მანჩესტერმა დასვა - 90+6 წუთზე მბიუმომ დუბლი შეასრულა და მანჩესტერს პრემიერ ლიგაში ზედიზედ მე-3 გამარჯვება გაუნაღდა.

იუნაიტედმა 16 ქულა დააგროვა და მინიმუმ ტურის ბოლომდე ოთხეულში შევიდა, ბრაიტონი კი 12 ქულით მე-12 პოზიციაზეა.

1-0 კუნია 24'

2-0 კაზემირო 34'

3-0 მბიუმო 61'

3-1 უელბეკი 74'

3-2 კოსტულასი 90+2'

4-2 მბიუმო 90+6'