VIDEO: მე-11 ორმაგი დუბლი NBA-ში - მამუს გოლდენ სტეიტთან სოლიდური მატჩი ჰქონდა

სანდრო მამუკელაშვილმა NBA-ში მის კარიერაში მე-11 ორმაგი დუბლი შეასრულა. მისმა ტორონტო რეპტორსმა გოლდენ სტეიტ უორიორსი სტუმრად 18-ქულიანი სხვაობით დაამარცხა - 145:127.

სუპერ სოლიდური პერფორმანსები ჰქონდათ რეპტორსის ლიდერებს - იმანუელ ქვიქლის (40 ქულა, 2 მოხსნა, 10 ასისტი), სკოტი ბერნსსა (26 ქულა, 7 მოხსნა, 11 ასისტი) და ბრენდონ ინგრამს (22 ქულა, 4 მოხსნა, 5 ასისტი).

მათ შემდეგ გუნდში მე-4 საუკეთესო სწორედ მამუ იყო, რომელმაც პარკეტზე გატარებულ 25:39 წუთში 14 ქულა, 12 მოხსნა, 4 ასისტი მიითვალა. 4-დან 1 ორქულიანი და 4-დან 4 სამქულიანი ჩააგდო. 2 ჩაჭრა, 1 ბლოკი და 1 დაკარგვაც ჰქონდა.

მამუკელაშვილმა მიმდინარე რეგულარულში - მე-3 (ასევე ატლანტასთან და ვაშინგტონთან), ხოლო NBA-ის კარიერაში მე-11 ორმაგი დუბლი შეასრულა. 

45 მატჩის შემდეგ, რეპტორსს 26 მოგება და 19 წაგება აქვს, აღმოსავლეთ კონფერენციის მე-4 ადგილზე იმყოფება და უახლოეს შეხვედრებში კიდევ უფრო ზემოთ აწევის რეალური პერსპექტივა აქვს.

22 იანვრის 07:00 საათზე, სანდროს გუნდი კიდევ ერთ გასვლით მატჩს გამართავს - დასავლეთ კონფერენციის ბოლოსწინა ადგილზე მყოფ საკრამენტო კინგსს (12 მოგება, 32 წაგება) შეხვდება.