VIDEO: მე-2 ცდაზე - ბრაზილიამ უხვგოლიან მატჩში ავსტრალია დაამარცხა

4 დღის წინ იმავე მეტოქესთან 1:1 დასრულებული მატჩის შემდეგ, ბრაზილიის ნაკრებმა ამჯერად ავსტრალია დაამარცხა.

სიდნეიში გამართულ ამხანაგურ შეხვედრაში „სელესაომ“ 4:2 გაიმარჯვა.

ანგარიში შეხვედრის დასაწყისშივე მონაკოს მცველმა ვანდერსონმა გახსნა, მან მე-3 წუთზე გაიტანა. თუმცა, ამის შემდეგ „სოკერუზმა“ თამაშის შემოტრიალება მოახერხა: 5-წუთიან მონაკვეთში ჩირკატიმ (28') და მეტკალფმა (33') ავსტრალია წინ გაიყვანეს.

ბრაზილიას მატჩში დაბრუნებაში გუნდის ლიდერები დაეხმარნენ. რაფინიამ პირველი ტაიმის მიწურულს, 45-ე წუთზე, პენალტი გამოიყენა და ანგარიში გაათანაბრა, ხოლო მეორე ნახევარში ბრუნო გიმარაეშმა (69') და ვინისიუს ჟუნიორმა (80', პენალტი) ბრაზილიელებს გამარჯვება მოუტანეს - 4:2.

ეს გამარჯვება ბრაზილიის ნაკრების მორალური მდგომარეობისთვის მნიშვნელოვანი იქნება, რადგან ბოლო პერიოდში გუნდს თითქმის ყველა შეხვედრაში სირთულეები ექმნება.

კარლო ანჩელოტი შემადგენლობის ფართომასშტაბიან გადახედვას აგრძელებს და შანსს ბრაზილიის ჩემპიონატში მოთამაშე რამდენიმე ფეხბურთელსაც აძლევს.

მისი მიზანია ეტაპობრივად ჩამოაყალიბოს ეროვნული გუნდი, რომელიც არსებულ მოლოდინებს გაამართლებს. როგორც ჩანს, ბრაზილიის ფეხბურთის კონფედერაცია (CBF) მზადაა, იტალიელ სპეციალისტს ამისთვის საჭირო დრო მისცეს.

ბრაზილია მიმდინარე სანაკრებო პაუზის ბოლო შეხვედრას შაბათს, კალკუტაში, ინდოეთის წინააღმდეგ ჩაატარებს.

შესაძლოა, ამ მატჩში გუნდს რაფინია ვერ დაეხმაროს, მან ავსტრალიასთან შეხვედრა კუნთის ტრავმის გამო პირველი ტაიმის შემდეგ ვეღარ გააგრძელა.