VIDEO: მესის რეკორდი MLS-ში და კარიერაში 907-ე გოლი

MLS-ის რეგულარული სეზონის მატჩში ტორონტო ინტერ მაიამის დაუპირისპირდა.

შეხვედრაში ანგარიში პირველი ტაიმის ბოლოს გაიხსნა. სტუმრები 44-ე წუთზე როდრიგო დე პოლმა დააწინაურა და თავის გუნდს ტაიმი მოაგებინა.

56-ე წუთზე ლიონელ მესის პასის შემდეგ სხვაობა ორამდე ლუის სუარესმა გაზარდა, 73-ე წუთზე არგენტინელმა კიდევ ერთი საგოლე პასი მიითვალა, ამჯერად კი გოლი სერხიო რეგილონმა გაიტანა.

რეგილონის გოლიდან 2 წუთში მესიმ გოლი თავადაც გაიტანა და ანგარიში გამანადგურებელი გახადა, თუმცა მატჩის ბოლო წუთებზე მასპინძელთა მხრიდან ემილიო არისტისაბალმა დუბლი შეასრულა და საბოლოო ანგარიში (2-4) დააფიქსირა.

ინტერ მაიამის 12 მატჩის შემდეგ 22 ქულა დაუგროვდა და აღმოსავლეთ კონფერენციის ლიდერ ნეშვილს, რომელსაც 2 მატჩით ნაკლები აქვს, 1 ქულით ჩამორჩება.

ლიონელ მესის ამ სეზონში 9 გოლი და 3 საგოლე გადაცემა დაუგროვდა და ბომბარდირთა დავაში ლიდერებამდე (მუსა და კუიპერსო) 1 გოლი აშორებს.

ლეგენდარულმა არგენტინელმა სებასტიან ჯოვინკოს რეკორდი მოხსნა და MLS-ის ისტორიაში 100 საგოლე მოქმედება ყველაზე სწრაფად დააგროვა - 64 მატჩი, 59 გოლი, 41 საგოლე პასი.

სულ კი ლიონელ მესიმ კარიერაში 907-ე გოლი და 410-ე საგოლე გადაცემა გააკეთა.