VIDEO: მისი პასით გაათანაბრეს - პაპავას პირველი საგოლე მოქმედება სეზონში
2 სთ წინ · 0 წთ წასაკითხად
-
Aa
+
ფონტის ზომა
ოკმკ-ის ნახევარმცველმა, გიორგი პაპავამ უზბეკეთის სუპერ ლიგის 2026 წლის სეზონში პირველი საგოლე მოქმედება შეასრულა.
ქართველის გუნდი დინამო სამარყანდთან სტუმრად 0:2-ს აგებდა (დინამო 21-ე წუთიდან 10 კაცით იყო და მეორე გოლი ასე გაიტანა), თუმცა ოკმკ-მ თამაშში დაბრუნება შეძლო და ჯერ სხვაობა შეამცირა, 88-ე წუთზე კი, პაპავას საგოლე პასით, ანგარიში გაათანაბრა.
გიორგი პაპავამ, რომელიც დინამო თბილისის კაპიტანი იყო და ახლა ოკმკ-შიც ეს სტატუსი აქვს, უზბეკეთის სუპერ ლიგის გასული სეზონის 29 მატჩში 2 გოლი შეაგდო, წლევანდელ გათამაშებაში კი მე-9 შეხვედრაში პირველი საგოლე მოქმედება მიითვალა.
33 წლის ქართველის გუნდს ჩემპიონატში 4-მატჩიანი წაუგებელი სერია აქვს, 12 ქულა მოაგროვა, მე-9 პოზიციაზეა და ხუთეულს მხოლოდ 2 ქულით ჩამორჩება. მომდევნო ტურში, 27 აპრილს, 14-ქულიან ლოკომოტივ ტაშკენტს უმასპინძლებს.
