VIDEO: მისთვის ზედიზედ მე-4 ტურში შეაგდო - ვოლკოვმა ზირას მოაგებინა
15 თებ, 2026 · 0 წთ წასაკითხად
-
Aa
+
ფონტის ზომა
დავით ვოლკოვმა აზერბაიჯანის პრემიერ ლიგის მიმდინარე სეზონში მე-5 გოლი გაიტანა. მისმა ზირამ ქარვანს 1:0 მოუგო.
ქართველმა ცენტრფორვარდმა გამარჯვების მომტანი გოლი მე-20 წუთზე, კუთხურის შემდეგ შეაგდო.
საინტერესოა, რომ ვოლკოვს პრემიერ ლიგის ზედიზედ 4 ტურში აქვს გოლი გატანილი - ბოლო 3-ში მიჯრით და იქამდე ნათამაშები და გატანილი 26 სექტემბერს ჰქონდა.
30 წლის თავდამსხმელს წლევანდელი ჩემპიონატის 9 მატჩში 5 გოლი მოუგროვდა და ბომბარდირთა დავის ლიდერებს - ველიკო შიმიჩსა და ჯოი-ლენს მიკელსს 4-4 გოლით ჩამორჩება.
ვოლკოვის გუნდმა 35 ქულას მოუყარა თავი და კონფერენს ლიგის საკვალიფიკაციო ეტაპზე გამსვლელ მე-3 ადგილზე აინაცვლა.
ზირა მომდევნო ტურში, 20 თებერვალს, ერთ-ერთ უშუალო კონკურენტ თურან თოვუზს სტუმრად შეხვდება.
სხვათა შორის, თურანს ყურბან ბერდიევი წვრთნის - ყველაზე მეტად გულშემატკივარს შეიძლება ახსოვდეს იმ ყაზანის რუბინიდან, რომელმაც ბარსელონას 2009-10 წლებში კამპ ნოუზე 2:1 მოუგო და რომლის რიგებშიც ლაშა სალუქვაძე, დავით კვირკველია და ნუკრი რევიშვილი თამაშობდნენ.
