VIDEO: ნეიმარის დაპირისპირება მსაჯებთან - იგი მოედნიდან შეცდომით გაიყვანეს

ნეიმარს მსაჯებთან მწვავე კონფლიქტი მოუვიდა მას შემდეგ, რაც ის კორიტიბას წინააღმდეგ გამართულ მატჩში შეცდომით შეცვალეს.

ინციდენტი შეხვედრის მეორე ტაიმში მოხდა, როდესაც ბრაზილიელმა თავდამსხმელმა წვივის ტრავმის გამო მოედანზე სამედიცინო დახმარება მიიღო. ზუსტად ამ დროს, სათადარიგო მსაჯის ტაბლოზე ნეიმარის ნომერი აინთო და მის ნაცვლად მოედანზე რობინიო შევიდა.

ნეიმარს ცვლილება არ შეუმჩნევია და დახმარების აღმოჩენის შემდეგ თამაშის გაგრძელებას აპირებდა, თუმცა როგორც კი მიხვდა, რა მოხდა, მთავარ არბიტრ პაულო სეზარ ზანოველისთან მიიჭრა.

ფეხბურთელი ამტკიცებდა, რომ მოედანი რეალურად მარცხენა მცველს, ესკობარს (N31) უნდა დაეტოვებინა და არა მას. მიუხედავად ნეიმარის პროტესტისა, მატჩი გაგრძელდა.

განრისხებულმა ვარსკვლავმა სანტოსის სამწვრთნელო შტაბს ოფიციალური საცვლელი ფურცელი გამოართვა და პირდაპირ კამერებისკენ გაიშვირა, სადაც ნათლად ჩანდა, რომ მსაჯებს მართლაც 31 ნომრის ნაცვლად მისი ნომერი აერიათ. ნეიმარმა დამნაშავე მეოთხე მსაჯზეც მიანიშნა, თუმცა ცვლილება ძალაში დარჩა.

სანტოსი ამ მომენტისთვის უკვე 3-0 აგებდა, აღნიშნულმა მარცხმა კი გუნდი სატურნირო ცხრილში მე-16 ადგილზე დატოვა.