VIDEO: ნიუკასლმა სენტ ჯეიმს პარკზე მანჩესტერი გაანადგურა
13 აპრ, 2025 · 0 წთ წასაკითხად
-
Aa
+
ფონტის ზომა
ინგლისის პრემიერ ლიგის 32-ე ტურში ნიუკასლმა სენტ ჯეიმს პარკზე მანჩესტერ იუნაიტედი მიიღო და 4-1 გაანადგურა.
24-ე წუთზე ანგარიში ალექსანდერ ისაკის ეფექტური პასის შემდეგ სანდრო ტონალიმ გახსნა, 37-ე წუთზე კი ალეხანდრო გარნაჩომ პირველი ტაიმის ანგარიში, 1-1 დააფიქსირა.
მეორე ტაიმში მასპინძლებმა 3 უპასუხო გოლი გაიტანეს. 49-ე და 64-ე წუთებზე თავი ჰარვი ბარნსმა გამოიჩინა და დუბლი შეასრულა.
77-ე წუთზე კი მატჩის საბოლოო შედეგი ალთაი ბაინდირის შეცდომის შემდეგ ბრუნო გიმარაეშმა დააფიქსირა (4-1).
აღსანიშნავია, რომ ნიუკასლმა მანჩესტერს პრემიერ ლიგაში ორივე თამაში ბოლო 94 წელიწადში პირველად მოუგო.
კაჭკაჭებმა ამ გამარჯვებით 56 ქულა დააგროვა და მე-4 ადგილზე გადაინაცვლა, ედი ჰაუს გუნდმა მანჩესტერი სიტის 1 ქულით, ხოლო ჩელსისა და ასტონ ვილას 2 ქულით გაუსწრო.
რაც შეეხება იუნაიტედს, ამორიმის გუნდი 38 ქულით მე-14 პოზიციაზეა და მე-17 ადგილზე მყოფ ვესტ ჰემს მხოლოდ 3 ქულით უსწრებს.
