VIDEO: ფენომენალური რაბიო - მილანმა ინტერთან 3-ქულიანი ჩამორჩენა შეინარჩუნა
15 იან, 2026 · 0 წთ წასაკითხად
-
Aa
+
ფონტის ზომა
იტალიის სერია A-ს მე-16 ტურის გადმოტანილ მატჩში, მილანმა სტუმრად კომო 3:1 დაამარცხა და ლიდერ ინტერთან სხვაობა კვლავ 3 ქულამდე შეამცირა.
კომოელები მარკ ოლივერ კემპფის გოლით დაწინაურდნენ, თუმცა ფენომენალური შეხვედრა ჰქონდა ადრიენ რაბიოს - ჯერ მოიპოვა პენალტი, რომელიც კრისტოფერ ნკუნკუმ შეაგდო, შემდეგ კი დუბლი შეასრულა.
ხაზგასასმელია მეკარე მაიკ მენიანის მაგარი თამაშიც - 7 ერთმანეთზე რთული, ლამაზი და ეფექტური სეივი ჰქონდა.
აღსანიშნავია, რომ როსონერიმ ჩემპიონატში ზედიზედ მე-19 შეხვედრა არ წააგო - ბოლოს გუნდი პირველ ტურში, შინ კრემონეზესთან დამარცხდა.
20 ტურის შემდეგ, შავ-წითლებს 43 ქულა აქვთ, ნაპოლის 3 ქულით გაუსწრეს, ხოლო ინტერს ამდენივეთი ჩამორჩებიან.
უქმეებზე მილანი ლეჩეს უმასპინძლებს, ინტერი უდინეზეს ესტუმრება, აი ნაპოლის მეტოქე კი, სტადიო არმანდო მარადონაზე, სასუოლო იქნება.
