VIDEO: პლეიოფები დაიწყო - გალათასარაიმ იუვენტუსი გაანადგურა

უეფას ჩემპიონთა ლიგის პლეიოფის პირველ მატჩში გალათასარაიმ სტამბულში იუვენტუსი მიიღო.

შეხვედრაში ანგარიში მე-15 წუთზე გაბრიელ სარამ გახსნა, ერთ წუთში კი ტეუნ კოოპმაინერსმა წონასწორობა აღადგინა. 32-ე წუთზე ნიდერლანდელმა ნახევარმცველმა დუბლი შეასრულა და თავისი გუნდი წინ გაიყვანა, იუვემ კი პირველი ტაიმი 1-2 მოიგო.

მეორე ტაიმში გალათასარაიმ ბრწყინვალე პერფორმანსი აჩვენა და 4 უპასუხო გოლი გაიტანა. 49-ე წუთზე ნოა ლანგმა ანგარიში გაათანაბრა, მე-60 წუთზე კი დევინსონ სანჩესმა მასპინძლები წინ გაიყვანა.

75-ე წუთზე კელის შეცდომის შემდეგ, ნოა ლანგმა დუბლი შეასრულა და სხვაობა ორამდე გაზარდა, 86-ე წუთზე კი საშა ბოეიმ მატჩის საბოლოო ანგარიში (5-2) დააფიქსირა.

15' გაბრიელ სარა 1-0

16' კოოპმაინერსი 1-1

32' კოოპმაინერსი 1-2

49' ლანგი 2-2

60' სანჩესი 3-2

75' ლანგი 4-2

86' ბოეი 5-2