VIDEO: ქართველებმა ისეთი რამ გააკეთეს, რაც ანგარიშში არ ჩანს
1 სთ წინ · 0 წთ წასაკითხად
-
Aa
+
ფონტის ზომა
სპარტაკ ტრნავას სლოვაკეთის NIKE LIGA-ს მე-10 ტურში წარმატებული მატჩი ჰქონდა, რაშიც მისმა ორივე ქართველმა ლეგიონერმა მნიშვნელოვანი წვლილი შეიტანა.
ტრნაველები, რომლებიც პირველი ადგილისთვის იბრძვიან, მე-5 ადგილოსან პოდბრეჟოვას ესტუმრნენ და 3:1 გაიმარჯვეს.
პირველ ტაიმში დუბლი ტიმოტეი კუდლიჩკამ შეასრულა და ორივე შემთხვევაში ასისტენტი ქართველი იყო: ჯერ გიორგი მოისწრაფიშვილის პასით შეაგდო, შემდეგ - ლუკა ხორხელის. აღსანიშნავია, რომ მეორე გოლისას მოისწრაფიშვილმა პრე-ასისტიც შეასრულა.
გიორგისთვის სეზონში პირველი საგოლე მოქმედებაა, ლუკას 1 გოლი და 3 ასისტი აქვს.
მოისწრაფიშვილმა Sofascore-ისგან შეფასებად 7.6 მიიღო, ხოლო ხორხელმა 7.1 დაიმსახურა.
10 ტურის შედეგებით, ტრნაველებს 21 ქულა აქვთ და გიორგი გაგუასა და ცოტნე კაპანაძის დუნაისკა სტრედას 2 ქულით ჩამორჩებიან, თანაც, დუნაისკას 1 თამაშით ნაკლები აქვს.
სპარტაკ ტრნავა მომდევნო ტურში, 17 ოქტომბერს, ბოლო დეკადის მთავარ გრანდ სლოვან ბრატისლავასთან (17 ქულა) შინ ითამაშებს.
