VIDEO: გუნდში ერთ-ერთი გამორჩეული - რა შეფასებები მიიღო ჩაკვემ ტორინოსთან?
1 სთ წინ · 0 წთ წასაკითხად
-
Aa
+
ფონტის ზომა
გიორგი ჩაკვეტაძემ იტალიის სერია A-ში ძირითადი შემადგენლობიდან პირველად ითამაშა და მოედანზე 90 წუთი გაატარა.
ქართველი ნახევარმცველის უდინეზე სტუმრად ტორინოს შეხვდა და 1:2 დამარცხდა, რაც ბოლო 4 ტურში ზედიზედ მეოთხე წაგებაა.
ჩაკვე, რომელიც ახალ პოზიციაზე - ცრუ ცხრიანზე თამაშობდა, ბურთს 79-ჯერ შეეხო, კარისკენ 3-ჯერ დაარტყა, მოსალოდნელი გოლების მაჩვენებელი 0.16 ჰქონდა, 64-დან 60 პასი ზუსტად გააკეთა (94%) და მათგან 2 საკვანძო გადაცემა გამოდგა, 9-დან 3 ორთაბრძოლა მოიგო, 1 ჩაჭრა შეასრულა და გუნდს ბურთი 7-ჯერ მოუპოვა.
Sofascore-მა 7.1 შეფასება დაუწერა, Whoscored-მა - 6.8, ხოლო Flashscore-მა - 7.0. სამივეს ვერსიით, უდინელთა შორის მასზე მაღალი შეფასება მხოლოდ გოლის ავტორ იურგენ ეკელენგკამპსა და მცველ უმარ სოლეს ჰქონდათ.
ზედიზედ 4 მარცხის ფონზე, უდინეზეს მდგომარეობა რთულია - ზებრებს 6 ტურში 4 ქულა აქვთ, რაც იმდენივეა, რამდენიც ბოლოსწინა ადგილზე მყოფმა ფიორენტინამ მოიპოვა.
18 ოქტომბერს ფრიულელებს ძალიან მნიშვნელოვანი თამაში აქვთ, რადგან ერთ-ერთ კონკურენტ ლეჩეს (6 ქულა) მასპინძლობენ.
