VIDEO: ქართველის ასისტი სუპერ დრამატულ მატჩში - იშვიათი ბოლო წუთები
1 სთ წინ · 0 წთ წასაკითხად
-
Aa
+
ფონტის ზომა
უზბეკეთის სუპერ ლიგის 23-ე ტურში, ოკმკ-ის ქართველ კაპიტანს, გიორგი პაპავას კარგი მატჩი ჰქონდა.
მისი გუნდი ჩემპიონატის მე-3 ადგილოსან ნოვბაჰორს მასპინძლობდა და 2:2 ითამაშა, რის გამოც ცხრილში 3 პოზიცია დაკარგა.
შეხვედრის 68-ე წუთზე პაპავამ მეტოქის გადაცემა ჩაჭრა, გარღვევა შეასრულა და საგოლე გადაცემა გააკეთა.
მისი გუნდი ამ გოლით 2:1 დაწინაურდა, შემდეგ კაცი გაუძევეს, 96-ე წუთზე მეტოქემ პენალტი ვერ გამოიყენა, გამათანაბრებელი გოლი კი მსაჯის მიერ დამატებულ მე-14 წუთზე ისევ პენალტიდან გაუშვა.
გამოცდილი შუახაზელისთვის მიმდინარე ჩემპიონატში მე-4 საგოლე მოქმედებაა - 2 გოლი, 2 ასისტი.
23 ტურის შედეგებით, ოკმკ-ს 36 ქულა აქვს, მე-7 პოზიციაზეა და საუკეთესო ოთხეულს 2 ქულით ჩამორჩება. 15 ოქტომბერს 4-ქულიან ბოლოადგილოსან მაშალ მუბორაქს ესტუმრებიან.
