VIDEO: რონალდუს გამარჯვების გოლი გერმანიასთან - პორტუგალია ერთა ლიგის ფინალშია

უეფას ერთა ლიგის პირველ ნახევარფინალურ წყვილში გერმანიის ნაკრებმა მიუნხენში, ალიანც არენაზე პორტუგალია მიიღო.

მატჩის დაწყება უამინდობის გამო ცოტა ხნით გადაიდო, თუმცა საბოლოოდ შეხვედრა ჩვეულებრივ ჩატარდა.

პირველი ტაიმი უგოლოდ დასრულდა, მეორე ტაიმის დასაწყისში კი, 48-ე წუთზე იოზუა კიმიხის საჯარიმოში ჩაგდების შემდეგ ფლორიან ვირცმა თავური დარტყმით ანგარიში გახსნა და მასპინძლები დააწინაურა.

პორტუგალიელებმა 5-წუთიან მონაკვეთში მოახერხეს მატჩის მოტრიალება. 63-ე წუთზე ფრანსისკო კონსეისაუმ ეფექტური გოლით შეძლო ანგარიშის გათანაბრება, 68-ე წუთზე კი ნუნუ მენდეშის პასით კრიშტიანუ რონალდუმ გაიტანა გამარჯვების გოლი.

რონალდუმ კარიერაში 937-ე, პორტუგალიის ნაკრებში კი 137-ე გოლი გაიტანა.

პორტუგალიამ გერმანია 1-2 დაამარცხა და ერთა ლიგის ფინალში გავიდა, სადაც ესპანეთისა და საფრანგეთის ნაკრებებს შორის გამარჯვებულს დაელოდება. 

48' ვირცი 1-0

63' კონსეისაუ 1-1

68' რონალდუ 1-2