VIDEO: საგოლე პასი თასზე - გიორბელიძემ სეზონში პირველი საგოლე მოქმედება შეასრულა

ერზურუმსპორის მარცხენა მცველმა, გურამ გიორბელიძემ მიმდინარე სეზონში პირველი საგოლე მოქმედება შეასრულა.

29 წლის ქართველმა, თურქეთის თასის მე-2 ტურში, რიზესპორთან შეხვედრაში საგოლე გადაცემა გააკეთა. მისმა გუნდმა 2:0 მოიგო.

გიორბელიძე, რომელიც ერზურუმსპორის ძირითადი შემადგენლობის სტაბილური წევრია, თამაშში მეორე ტაიმის სტარტიდან ჩაერთო და ასისტი 54-ე წუთზე მიითვალა. მიმდინარე სეზონში 21-ე მატჩი ჩაატარა.

თასის 2 ტურის შემდეგ, ქართველის გუნდს 3 ქულა აქვს და მესამე-მეოთხე ადგილებს იყოფს. შემდეგ ეტაპზე პირველ-მეორე ადგილოსნები გავლენ, მესამეადგილოსანს კი პლეი-ოფში მოხვედრის შანსი ექნება.

რაც შეეხება ჩემპიონატს, ერზურუმსპორი უმაღლეს ლიგაში დაწინაურებისთვის იბრძვის - მე-4 ადგილზე არიან და ლიდერ ამედსპორს - 6-ით, ხოლო მეორეადგილოსან პენდიკსპორს 2 ქულით ჩამორჩებიან.