VIDEO: სალაჰის გოლით 10 კაცით მოიგეს - ეგვიპტემ პლეი-ოფი გაინაღდა

აფრიკის თასის მე-2 ტურში, ეგვიპტის ნაკრებმა სამხრეთ აფრიკა 1:0 დაამარცხა და პლეი-ოფში გასვლა გაინაღდა.

შეხვედრის ერთადერთი გოლი 45-ე წუთზე, პენალტიდან მოჰამედ სალაჰმა შეაგდო. აღსანიშნავია, რომ პირველი ტაიმის დამატებულ წუთებზე ეგვიპტელები 10 კაცით დარჩნენ და თამაშის ჩამთავრება ასე მოუწიათ.

ხაზგასასმელია ისიც, რომ სამხრეთ აფრიკის 12-მატჩიანი წაუგებელი სერია (6 მოგება, 6 ფრე) დასრულდა - 15 ივნისის შემდეგ არ აგებდნენ.

ჯგუფური ეტაპის 2 ტურის შემდეგ, ეგვიპტეს 6 ქულა აქვს, სამხრეთ აფრიკას - 3, ზიმბაბვემ და ანგოლამ კი ერთმანეთში ფრე ითამაშეს და აქტივში 1-1 ქულა აქვთ.

ეგვიპტე უკვე შემდეგ ეტაპზეა და ბოლო ტურში ანგოლასთან შემადგენლობის როტაციის საშუალებაც აქვს, აი ზიმბაბვე და სამხრეთ აფრიკა კი პლეი-ოფში გამსვლელს, დიდი ალბათობით, ერთმანეთში გაარკვევენ.