გოგა ბითაძის ორლანდო მეჯიქმა, NBA-ის რეგულარულის მე-9 მატჩში, ბოსტონ სელტიქსს 123:110 მოუგო. ქართველმა პარკეტზე 15 წუთზე ოდნავ მეტი გაატარა.
ბითაძის მონაგარი 7 მოხსნა და 1 შედეგიანი გადაცემაა, ქულა კი არ ჰქონია. მისი გუნდისგან საუკეთესო ფრანც ვაგნერი იყო - 27 ქულა, 6 მოხსნა და 6 ასისტი.
ორლანდომ ბოლო 4 თამაშში - მე-3, ჯამში სეზონში კი მე-4 გამარჯვება იზეიმა და აღმოსავლეთ კონფერენციის საპლეიოფო ზონაში შევიდა.
გოგას გუნდი მომდევნო თამაშს, 10 ნოემბრის 03:00 საათზე, ისევ ბოსტონის წინააღმდეგ და ისევ საკუთარ დარბაზში გამართავს.
