VIDEO: შედევრი შექმნა - არდაზიშვილმა ჩინეთში უმაგრესი გოლი შეაგდო

რატი არდაზიშვილმა, ჩინეთის ლიგა 1-ის (მე-2 დივიზიონი) მე-10 ტურში, ულამაზესი გოლი გაიტანა.

გუანსი ენჩენის ქართველმა შემტევმა, ფოშან ნანშისთან მატჩის 32-ე წუთზე, როცა მისი გუნდი 0:1-ს აგებდა, მარცხენა ფლანგიდან საჯარიმოში შეჭრა, გზად მოკლე მონაკვეთში მცველები ჩამოიტოვა და შეტევა დაბალი დარტყმით დაასრულა. რატისთვის მიმდინარე ლიგა 1-ში მე-4 გოლია.

10 ტურის შემდეგ, გუანსი ენჩენს 15 ქულა აქვს, მე-6 ადგილზეა და მეორეადგილოსან გუანდონ პოუერს 5 ქულით ჩამორჩება.

27 წლის ქართველი გუანსი ენჩენის რიგებში იანვარში ჩაირიცხა და კლუბთან 1+1 სისტემის ხელშეკრულება გააფორმა.

გუანსი ენგჩენი ჩინეთის სამხრეთით მდებარე რეგიონ გუანსის კლუბია, რომელიც 2021 წელს დაარსდა და, ქვეყნის მეორე ლიგის 9-ქულიანი უპირატესობით მოგების შემდეგ, 2026 წლის სეზონიდან პირველ ლიგაში (სუპერ ლიგის შემდეგი დივიზიონი) ასპარეზობს.

არდაზიშვილი თბილისის ლოკომოტივის აღზრდილია, წლების განმავლობაში ლატვიაში, ყაზახეთსა და აზერბაიჯანშიც უთამაშია, 2025 წლის ივლისიდან კი გაგრაში გამოდიოდა და ეროვნული ლიგის 16 მატჩში 5 საგოლე მოქმედება შეასრულა - 1 გოლი და 4 ასისტი.