VIDEO: შერკის გოლი და საგოლე პასი - სიტიმ ნოტინგემს მოუგო

ინგლისის პრემიერ ლიგის მე-18 ტურში ნოტინგემმა საკუთარ მოედანზე მანჩესტერ სიტი მიიღო.

შეხვედრის პირველი ტაიმი უგოლოდ დასრულდა, მეორე ტაიმი კი სწრაფი გოლით გაიხსნა.

48-ე წუთზე სტუმრები რაიან შერკის პასის შემდეგ ტიჯანი რეინდერსმა დააწინაურა, 54-ე წუთზე კი ომარი ჰატჩინსონმა ანგარიში გაათანაბრა.

მატჩის ბედი 83-ე წუთზე გადაწყდა. კუთხურიდან ჩაწოდების შემდეგ იოშკო გვარდიოლმა საჯარიმოს მისადგომებთან რაიან შერკის დაუგდო თავით ბურთი, ფრანგმა კი გამარჯვების გოლი გაიტანა და სიტის 3 ქულა მოუტანა.

გვარდიოლას გუნდმა ამ მოგებით 40 ქულა დააგროვა და პრემიერ ლიგის ლაივ ცხრილში გალიდერდა, მინიმუმ იქამდე, სანამ არსენალი ბრაიტონთან მატჩს არ ჩაატარებს.

რაიან შერკი კი უკვე 7 საგოლე პასით პრემიერ ლიგის მიმდინარე სეზონის საუკეთესო ასისტენტია.

48' რეინდერსი 0-1

54' ჰატჩინსონი 1-1

83' შერკი 1-2