VIDEO: შეტევაში ძალიან აქტიური იყო - მაისურაძემ უკრაინაში სადებიუტო გოლი შეაგდო
3 სთ წინ · 0 წთ წასაკითხად
-
Aa
+
ფონტის ზომა
გიორგი მაისურაძემ უკრაინის პრემიერ ლიგაში სადებიუტო გოლი გაიტანა. მისმა ჟიტომირ პოლისიამ სტუმრად ბოლოადგილოსანი პოლტავა, რომელიც 34-ე წუთიდან 10 კაცით თამაშობდა, 4:0 გაანადგურა.
ქართველი მარჯვენა მცველი მოედანზე ერთ-ერთი საუკეთესო იყო, შეტევებში აქტიურად მონაწილეობდა, 3-ჯერ საგოლე პასთან იყო ახლოს, ბოლოს კი ლამაზი რეიდის შემდეგ მახვილი კუთხიდან გოლი გაიტანა.
24 წლის მაისურაძე პოლისიას შემადგენლობაში 2024 წლის ივლისიდან თამაშობს და, ყველა ტურნირის ეგიდით, 24-ე შეხვედრაში მე-3 საგოლე მოქმედება შეასრულა - 1 გოლი და 2 ასისტი.
ჩემპიონატის 23 ტურის შემდეგ, პოლისია ჟიტომირს 46 ქულა აქვს, მე-3 ადგილზეა და ლიდერებს - შახტარსა და შოთა ნონიკაშვილის ლნზ ჩერკასის 4-4 ქულით ჩამორჩება. ოღონდ, შახტარს - 2-ით, ხოლო ლნზ ჩერკასის 1 თამაშით ნაკლები აქვს ჩატარებული.
მომდევნო ტურში, 20 აპრილს, პოლისიას მეტოქე სწორედ შახტარი იქნება - მაისურაძის გუნდი სტუმრადაა.
გიორგი მაისურაძე დინამო თბილისის აკადემიის აღზრდილია და მთავარ გუნდში 2021-24 წლებში თამაშობდა, 2022-25 წლებში საქართველოს 21-წლამდელთა ნაკრების რიგებში 19 შეხვედრა ჩაატარა.
