VIDEO: სინერმა იტალიური დაპირისპირება მოიგო და AO-ს 1/4 ფინალშია

ავსტრალიის ღია პირველობის 1/8 ფინალში იტალიური დაპირისპირება შედგა.

ტურნირის ორგზის მოქმედი ჩემპიონი იანიკ სინერი ლუჩიანო დარდერის დაუპირისპირდა და 3 სეტში (6-1, 6-3, 7-6) დაამარცხა.

სინერი ავსტრალიის ღია პირველობის 1/4 ფინალში ზედიზედ მესამედ გავიდა, სულ კი ზედიზედ მეცხრედ შეძლო დიდი სლემის ამ ეტაპზე გასვლა. იანიკმა ტურში ზედიზედ მე-19 მატჩი მოიგო და ჯამში ბოლო 34 სეტიდან 33 მოგებული აქვს.

კონკრეტულად ავსტრალიის ღია პირველობაზე კი იტალიელმა მე-18 გამარჯვების მოპოვება შეძლო და ჯამში დიდი სლემის 1/4 ფინალში მეთხუთმეტედ გავიდა.

სინერი მომდევნო ეტაპზე ამერიკელ ბენ შელტონსა და ნორვეგიელ კასპერ რუუდს შორის გამარჯვებულს შეხვდება.