VIDEO: თაუნსის მოხსნების საღამო - მამუს ტორონტომ ნიუ იორკთან ზედიზედ მე-11 მატჩი წააგო
29 იან, 2026 · 0 წთ წასაკითხად
-
Aa
+
ფონტის ზომა
სანდრო მამუკელაშვილის ტორონტო რეპტორსმა ერთ-ერთ მთავარ კონკურენტ ნიუ იორკ ნიქსთან საშინაო მატჩი 27-ქულიანი სხვაობით წააგო - 92:119.
აღსანიშნავია, რომ უკვე 3 წელია, რაც რეპტორსს ნიქსთან ურთიერთშეხვედრა აღარ მოუგია - ბოლოს 2023 წლის იანვარში დაამარცხეს, მას შემდეგ კი ზედიზედ 11 მარცხი აქვთ.
მამუმ მატჩი სათადარიგოთა სკამიდან დაიწყო, პარკეტზე კი ჯამში 24:31 წუთი გაატარა - 9 ქულა, 4 მოხსნა, 1 ასისტი.
მაგარი თამაში ჩაატარა ნიუ იორკელთა ლიდერმა, კარლ-ენტონი თაუნსმა, რომელმაც სეზონის პირადი რეკორდი დაამყარა და 22 მოხსნა მიითვალა - ასევე 8 ქულა და 2 ასისტი. მიმდინარე სეზონში გოლდენ სტეიტთან 20 მოხსნა ჰქონდა, ხოლო მაიამისთან, შარლოტთან და დალასთან - 18-18.
რეგულარულის 49 შეხვედრის შემდეგ, ტორონტოს 29 მოგება და 20 მარცხი აქვს, რითაც აღმოსავლეთ კონფერენციის მე-5 ადგილამდე დაეშვა და კლივლენდსა და ნიუ იორკს გადასწრების საშუალება მისცა.
31 იანვრის 04:30 საათზე, NBA-ში ქართული დერბია - გოგა ბითაძის ორლანდო სანდროს ტორონტო რეპტორსს ფლორიდაში უმასპინძლებს.
