VIDEO: ტენერიფე მე-4 ადგილზე გავიდა - ჩემპიონთა ლიგა რიტასმა მოიგო

გიორგი შერმადინის ლაგუნა ტენერიფემ ჩემპიონთა ლიგის 2025-26 წლების სეზონი მე-4 ადგილზე დაასრულა.

1/2 ფინალში ლიეტუვურ რიტასთან მარცხის შემდეგ, კანარიელები მე-3 ადგილისთვის შეხვედრაშიც დამარცხდნენ - ბოლო ორი სეზონის ჩემპიონ უნიკახა მალაგასთან 80:85.

შერმომ მოედანზე 22:15 წუთი გაატარა და ერთ-ერთი საუკეთესო იყო - 14 ქულა, 3 მოხსნა. 7-დან 6 ორქულიანი და 3-დან 2 საჯარიმო ჩააგდო. მისი მოედანზე ყოფნისას, ტენერიფემ 16-ქულიანი სხვაობა შექმნა, რაც ფრან გერასთან და პატი მილსთან ერთად, საუკეთესო მაჩვენებელია.

ინფორმაციისთვის, ტენერიფე ჩემპიონთა ლიგის 2-გზის ჩემპიონია (2017; 2022), 2-ჯერ ვიცე-ჩემპიონი (2019; 2024) გახდა და ერთხელ მე-3 ადგილი დაიკავა (2023).

წელს ტიტული რიტასმა მოიგო - ბერძნულ აეკ-ს 20-ქულიანი სხვაობა დაუქაჩეს, თამაში ოვერტაიმში გადაიყვანეს და იქ გამარჯვებით, პირველი საჩემპიონთალიგო თასი მოიგეს. რიტასი ტურნირის 10-წლიან ისტორიაში პირველი გუნდია, რომელმაც ფინალში 20 ან მეტი ქულის სხვაობა მოატრიალა და ტიტული მოიპოვა.

ჩემპიონთა ლიგის ყველა ჩემპიონი:

2016-17 - იბეროსტარ ტენერიფე (ესპანეთი);

2017-18 - აეკ ათენი (საბერძნეთი);

2018-19 - სეგაფრედო ვირტუს ბოლონია (იტალია);

2019-20 - ჰერედა სან პაბლო ბურგოსი (ესპანეთი);

2020-21 - ჰერედა სან პაბლო ბურგოსი (ესპანეთი);

2021-22 - ლენოვო ტენერიფე (ესპანეთი);

2022-23 - ტელეკომ ბეშიქთაშ ბონი (თურქეთი);

2023-24 - უნიკახა მალაგა (ესპანეთი);

2024-25 - უნიკახა მალაგა (ესპანეთი);

2025-26 - რიტას ვილნიუსი (ლიეტუვა).