VIDEO: ტორპედოსა და იბერიას უხვგოლიანი თრილერი ქუთაისში
16 აგვ, 2026 · 0 წთ წასაკითხად
-
Aa
+
ფონტის ზომა
საქართველოს ეროვნული ლიგის 21-ე ტურში ერთმანეთს ტორპედო ქუთაისი და იბერია 1999 დაუპირისპირდნენ.
ქუთაისის რამაზ შენგელია არენაზე უხვგოლიანი მატჩი შედგა, რომელიც საბოლოოდ მასპინძელთა გამარჯვებით 4-3 დასრულდა.
ანგარიში მე-6 წუთზე ფელიპე პირესმა გახსნა, რომელსაც საგოლე პასი ტრიველათი გიორგი არაბიძემ გაუკეთა.
მე-13 წუთზე ვლადიმერ მამუჩაშვილის პასის შემდეგ დათო ბუკიამ სხვაობა ორამდე გაზარდა, 21-ე წუთზე კი გიორგი ჯინჯოლავას საგოლე პასით გიორგი კუციამ ერთი ბურთი გაქვითა.
მე-40 წუთზე დათო ბუკიამ და ვლადიმერ მამუჩაშვილმა როლები გაცვალეს და ამ უკანასკნელმა ორბურთიანი სხვაობა აღადგინა და პირველი ტაიმის ანგარიში (3-1) დააფიქსირა.
56-ე წუთზე იბერია კიდევ უფრო რთულ სიტუაციაში ჩავარდა, ნიკოლოზ ბოჭორიშვილმა პირდაპირ წითელი ბარათი მიიღო და სტუმრები კაცნაკლული დარჩნენ.
თუმცა თბილისურმა გუნდმა თამაშში დაბრუნება მაინც მოახერხა, 65-ე წუთზე ჯინჯოლავას კიდევ ერთი პასის შემდეგ ამირან ძაგანიამ სხვაობა შეამცირა, 76-ე წუთზე კი ნიკა სიხარულაშვილმა ანგარიში გაათანაბრა.
საბოლოოდ ტორპედომ გადამწყვეტი უპირატესობა მაინც მოიპოვა და 83-ე წუთზე დიეგო დეისაძემ გამარჯვების გოლი გაიტანა და ქუთაისურმა გუნდმა 3 ქულა მოიპოვა.
ტორპედოს ამ გამარჯვებით 30 ქულა დაუგროვდა და მე-4 ადგილზე იმყოფება. დირკ შუსტერის გუნდი მე-2 და მე-3 ადგილზე მყოფ დინამო თბილისსა და იბერია 1999-ს 4 ქულით ჩამორჩება.
