VIDEO: უოტფორდის სამმაგი დუბლი - ტორონტომ მოგებათა სერია ფილადელფიაში დაასრულა

სანდრო მამუკელაშვილის ტორონტო რეპტორსი, ზედიზედ 4 გამარჯვების შემდეგ, ფილადელფიასთან სტუმრად 10-ქულიანი სხვაობით დამარცხდა - 120:130.

მასპინძელთა შორის, სოლიდური სამმაგი დუბლით გამოირჩა ტრენდონ უოტფორდი - 20 ქულა, 17 მოხსნა და 10 ასისტი. მშვენიერი მატჩი ჰქონდათ ტაირის მაქსისა (31 ქულა, 4 მოხსნა და 7 ასისტი) და ჯოელ ემბიდს (29 ქულა, 6 მოხსნა და 4 ასისტი).

რაც შეეხება სანდროს, მან პარკეტზე 17:03 წუთი გაატარა და საკუთარ გუნდს 10 ქულა, 3 მოხსნა და 2 შედეგიანი გადაცემა შესძინა.

10 შეხვედრის შემდეგ, ტორონტოს მოგება-წაგება თანაბრად აქვს და აღმოსავლეთ კონფერენციის მე-8 ადგილს იკავებს.

სანდროს გუნდმა 5-მატჩიანი გასვლითი ტურნე ატლანტადან დაიწყო და დღეს გამთენიისას ფილადელფიაში გააგრძელა, წინ კიდევ 3 თამაშია - ბრუკლინში (12 ნოემბრის 04:30 საათზე), კლივლენდსა (14 ნოემბრის 04:00 საათზე) და ინდიანაში (16 ნოემბრის 04:00 საათზე).