VIDEO: ვინ გაიბრწყინა კვარას არყოფნაში? - პსჟ-მ სლოვანს გადაურბინა
09 სექ, 2026 · 0 წთ წასაკითხად
-
Aa
+
ფონტის ზომა
ჩემპიონთა ლიგის მოქმედმა გამარჯვებულმა, პსჟ-მ 2026-27 წლების სეზონი სლოვან ბრატისლავასთან დიდი ანგარიშით მოგებით გახსნა - 6:1.
ფეერიული მატჩი ჰქონდა უსმან დემბელეს, რომელმაც 4 საგოლე მოქმედება შეასრულა - 2 გოლი, 2 ასისტი. ჰეთ-თრიქი მიითვალა ფერან ტორესმა, ერთი გოლიც ფაბიან რუისმა შეაგდო. სლოვაკთაგან ლამაზი გოლი სულეიმან კამარამ გაიტანა.
ლუის ენრიკემ ხვიჩა კვარაცხელიას დასვენების საშუალება მისცა და მთელი შეხვედრა სათადარიგოთა სკამზე გაატარა. ზოგადად, როტაცია რამდენიმე ლიდერს შეეხო - კვარას გარდა, კაპიტან მარკინიოსს, ჟოაუ ნევეშსა და დეზირე დუეს.
პარიზელები ამ უქმეებზე, 13 სექტემბერს, ბრესტს ესტუმრებიან, ჩემპიონთა ლიგის ლიგის ფაზის მე-2 ტურის შეხვედრას კი 14 ოქტომბერს, მანჩესტერში, სიტის წინააღმდეგ გამართავენ.
