გარი ნევილმა ისაუბრა თუ მისი აზრით, ვინ უნდა ჩაანაცვლოს რუბენ ამორიმი მანჩესტერ იუნაიტედში.
„იმის გათვალისწინებით, რომ ბოლო 12 წელი იუნაიტედის მენეჯერებისთვის მასიური წარუმატებლობის პერიოდი იყო, ახლა არსებობს გარკვეული კრიტერიუმები, რომლებიც შემდეგმა კანდიდატმა აუცილებლად უნდა დააკმაყოფილოს.
პირველი - უნდა შეძლო მედიისა და იმ ხმაურის ატანა, რაც ამ კლუბს თან სდევს. ეს რეალობაა, შეეგუე და გაუმკლავდი. სწორედ ამისთვის გიხდიან დიდ ფულს.
მეორე - უნდა აჩვენო, რომ გაქვს წარმატების გამოცდილება ტოპ ოთხეულში მოხვედრაში, რომ შეგიძლია ჩემპიონთა ლიგის წნეხთან გამკლავება და რომ შეგიძლია მაქსიმუმი გამოიღო მოთამაშეების ჯგუფისგან, რომელშიც იქნებიან ეგოები და სუპერვარსკვლავები.
მესამე - უნდა გესმოდეს პრემიერ ლიგა და ინგლისური ფეხბურთის კულტურა, რადგან ეს ბევრ ევროპულ ლიგაში კონკურენციისგან განსხვავდება.
მეოთხე - უნდა გესმოდეს მანჩესტერ იუნაიტედის გზა, რაც ნიშნავს, რომ უნდა იყო ოპტიმისტური ტიპის მენეჯერი, პოზიტიური, რისკზე წასასვლელად მზად და სწრაფი, სანახაობრივი ფეხბურთის მომხრე. დიდი ალბათობით ეს იქნება 4-4-1-1 ან 4-2-3-1 სქემის ვარიაცია.
ყველა ამ ოთხი კრიტერიუმის დაკმაყოფილება ძალიან რთულია და სწორედ ამიტომ ჩემთვის გამორჩეული კანდიდატი კარლო ანჩელოტია, თუნდაც ეს მისი მოსვლის ივლისის ბოლოსკენ გადადებას ნიშნავდეს, თუ ბრაზილია მსოფლიო ჩემპიონატის ფინალში გავა.
არავინ უახლოვდება ამ ჩამოთვლილი მოთხოვნების სრულად შესრულებას ისე, როგორც ის“. - განაცხადა მანჩესტერ იუნაიტედის ყოფილმა კაპიტანმა.
