ვინის კომენტარი პანამასთან მოგების შემდეგ

ბრაზილიის ეროვნულმა ნაკრებმა მსოფლიო ჩემპიონატის წინ საკუთარ მოედანზე გამართა მატჩი და პანამა ანგარიშით 6:2 გაანადგურა.

VIDEO: შოუ ბევრი ლამაზი ეპიზოდით - ბრაზილიამ პანამას 8-გოლიან მატჩში მოუგო

შეხვედრაში ანგარიში ვინისიუს ჟუნიორმა გახსნა, რომელმაც მოგვიანებით კაზემიროს მიერ გატანილ მეორე გოლშიც მიიღო პირდაპირი მონაწილეობა, რის შემდეგაც, შესვენებაზე ის შეცვალეს.

მატჩის შემდეგ ვინისიუს ჟუნიორმა აღნიშნა, რომ ეს ამხანაგური შეხვედრა მსოფლიო ჩემპიონატისთვის მოსამზადებლად საუკეთესო შანსი იყო. მისი თქმით, პირველ და მეორე ტაიმში მოედანზე ბრაზილიის ორი განსხვავებული შემადგენლობა გამოვიდა, თუმცა ორივეს ერთი მიზანი ჰქონდა და მათ ზუსტად შეასრულეს ის, რაც მწვრთნელმა დაავალათ.

თავდამსხმელმა ასევე განსაკუთრებით გამოყო მარაკანას საოცარი ატმოსფერო, სადაც 70,000-ზე მეტმა ბრაზილიელმა გულშემატკივარმა გუნდს გამარჯვებისკენ უბიძგა და დასძინა, რომ ამდენი ხნის შემდეგ მშობლიურ სტადიონზე გამარჯვებით დაბრუნება ყოველთვის ამაღელვებელია.

ბრაზილიელთა მხრიდან გოლები ვინისიუს ჟუნიორმა, კაზემირომ, რაიანმა, ლუკას პაკეტამ, იგორ ტიაგომ და დანილო სანტოსმა გაიტანეს, ხოლო პანამელთაგან კარლოს ჰარვიმ გამოიჩინა თავი, რასაც მათეუს კუნიას ავტოგოლიც დაემატა. 

ბრაზილიის ნაკრები ახლა ამერიკის შეერთებულ შტატებში მიემგზავრება, სადაც 6 ივნისს, კლივლენდში, ტურნირის დაწყებამდე ბოლო ამხანაგურ მატჩს ეგვიპტის წინააღმდეგ გამართავს. მსოფლიო ჩემპიონატზე კი გუნდი ასპარეზობას 13 ივნისს, ნიუ ჯერსიში, მაროკოსთან შეხვედრით დაიწყებს.