მადრიდის რეალის ბრაზილიელმა ვარსკვლავმა, ვინისიუს ჟუნიორმა მადრიდის ატლეტიკოსთან მოახლოებული დერბის წინ მეტოქეს ღია გაფრთხილება გაუგზავნა.
შემტევი პირობას დებს, რომ მისი უგოლო სერია მალე დასრულდება და მომდევნო შეხვედრაში გულშემატკივარს ბევრად უფრო შედეგიან თამაშს შესთავაზებს.
ბრაზილიელის ეს განცხადება ესპანეთის ჩემპიონატში ელჩესთან გამართული დრამატული მატჩის შემდეგ გავრცელდა. ვინისიუსმა არაერთი რეალური საგოლე მომენტი გაანიავა, რის გამოც ჟოზე მოურინიომ ის 68-ე წუთზე შეცვალა. რეალმა კი ურთულესი სამი ქულა მხოლოდ მსაჯის მიერ კომპენსირებულ დროში, კარლოს ესპის გოლით (3:2) გადაარჩინა.
მატჩის შემდეგ ვინისიუსმა ინსტაგრამის პირად გვერდზე დაწერა:
გოლები მალე დაბრუნდება, ამდენი მომენტის განიავება აღარ შემიძლია! კვირას უფრო მეტი გელით, მადრიდს გაუმარჯოს
.ეს გზავნილი პირდაპირი მინიშნებაა იმაზე, რომ ის კრიზისის დაძლევას და საგოლე ალღოს დაბრუნებას სეზონის ერთ-ერთ უმნიშვნელოვანეს მატჩში გეგმავს.
ლა ლიგის მეშვიდე ტურის ცენტრალურ დაპირისპირებაში მადრიდის რეალი მთავარ კონკურენტს, მადრიდის ატლეტიკოს კვირას, მეტროპოლიტანოს სტადიონზე ესტუმრება. ელჩესთან შექმნილი მრავალი შანსის მიუხედავად უგოლოდ დარჩენილმა გარემარბმა საკუთარი შესაძლებლობების სრულად წარმოსაჩენად სწორედ დედაქალაქური დერბი შეარჩია.
