"ვინც ეს მოიგონა - სისულელე თქვა", - ფლიკმა გავრცელებული ინფორმაცია უარყო

ბარსელონას მწვრთნელი ჰანსი ფლიკი ლამინ იამალის ვარჯიშზე დაგვიანების ინფორმაციას გამოეხმაურა.

გავრცელებული ინფორმაციით, იამალმა პსჟ-სთან მატჩის წინა ვარჯიშზე დააგვიანა, რის გამოც ფლიკი მის სკამზე დატოვებას განიხილავდა, თუმცა საქმეში კლუბის სპორტული დირექტორი დეკუ ჩაერთო, რომელმაც მწვრთნელი აიძულა, რომ ფეხბურთელი მაინც სასტარტოში დაეყენებინა.

„მინდა გავიგო, საიდან გაჩნდა ეს ჭორი. სისულელეა. ბოდიშით ამ სიტყვებისთვის, მაგრამ მართლა სისულელეა.

დეკუსთან საუცხოო ურთიერთობა მაქვს. ერთმანეთს ვენდობით. ის რაღაც მსგავსის გაკეთებას არასდროს არ მთხოვდა.

ეს ჭორი არის სრული სისულელე. თუ ვინმემ რაღაც თქვა - ნამდვილად მოიტყუა." - აღნიშნა გერმანელმა სპეციალისტმა.