ბარსას პრეზიდენტმა ჟოან ლაპორტამ უპასუხა შეკითხვას, რას ფიქრობს იმაზე, რომ რეალი ხშირად ბარსელონაზე საუბრობს.
„მე სხვა კლუბებზე არ ვლაპარაკობ. მაგრამ როცა ვინმე ბარსას ახსენებს, როცა მაგალითად რეალი ბარსელონაზე ლაპარაკობს, ვთვლი რომ უნდა ვუპასუხო. მითუმეტეს მაშინ, როცა ისინი ლაპარაკობენ რაღაცას, რაც რეალობას არ შეესაბამება.
ეს არის სიმპტომი იმის, რომ მათ ბარსელონიტი სჭირთ. ჩვენ არ დავდივართ შეკრებებზე და არ ვლაპარაკობთ რეალზე. მხოლოდ ბარსაზე ვლაპარაკობთ, ბარსას სიტუაციაზე და იმაზე, როგორ მიგვდის საქმეები, როგორ ვთამაშობთ, რას ფიქრობს ხალხი.
ეს უადგილოდ მივიჩნიე და უბრალოდ ვუპასუხე, ამით ამ თემას დავამთავრებ." - აღნიშნა ლაპორტამ.
შეგახსენებთ, რომ რამდენიმე კვირის წინ რეალის გენერალურ ასამბლეაზე პერესმა აღნიშნა, რომ არ არის ნორმალური, რომ ბარსას ისტორიაში საუკეთესო პერიოდი ზუსტად ემთხვევა იმ წლებს, როცა კლუბი სამსაჯო კორპუსის ვიცე-პრეზიდენტ ნეგრეირას 8-დან 17 მილიონ ევრომდე გადაუხადა.
