ერთა ლიგის 2026 წლის სეზონის დაწყების წინ, საქართველოს ნაკრებთან გასამართი მატჩის შესახებ ჩრდილოეთ ირლანდიის ნაკრების მთავარმა მწვრთნელმა, მაიკლ ო'ნილმა და გუნდის ნახევარმცველმა, ისააკ პრაისმა პრესკონფერენციაზე ვრცლად ისაუბრეს.
მაიკლ ო'ნილმა ხაზი გაუსვა საქართველოს ნაკრების პროგრესს და აღნიშნა, რომ მეტოქე განვითარებით მათ დაახლოებით 5 წლით უსწრებს. განსაკუთრებული ყურადღება დაეთმო ხვიჩა კვარაცხელიას, რომელსაც ჩრდილოეთ ირლანდიელთა დამრიგებელი მსოფლიო დონის ფეხბურთელად მიიჩნევს და ლეგენდარულ ჯორჯ ბესტს ადარებს.
მწვრთნელის თქმით, კვარაცხელია ნებისმიერ დროს ახერხებს თამაშის ბედის შეცვლას.
იმის შესახებ, რომ შეხვედრა ცარიელ სტადიონზე გაიმართება, ო'ნილმა აღნიშნა, რომ მიუხედავად იმისა, რომ სავსე ტრიბუნებზე თამაში ურჩევნიათ, უმაყურებლოდ თამაში უფრო მასპინძელი გუნდისთვისაა უარყოფითი. მეტოქის ანალიზზე საუბრისას მან განაცხადა:
საქართველოს ნაკრები კარგად გავაანალიზეთ და ვნახეთ რამდენიმე ასპექტი, რისი გამოყენებაც შეგვიძლია, რაზეც ახლა დაწვრილებით არ ვისაუბრებ, რადგან შეიძლება ეს უპატივცემულობად აღიქვათ, რაც არ მინდა.
თავის მხრივ, ისააკ პრაისმა აღნიშნა, რომ მიუხედავად უმაყურებლო გარემოსა, გუნდი მოუთმენლად ელის ერთა ლიგის გამოწვევებს და კარგად აქვთ გააზრებული ქართველი ფეხბურთელების წარმატება ევროპულ კლუბებში.
საქართველოსა და ჩრდილოეთ ირლანდიის ნაკრებთა მატჩი 25 სექტემბერს, 20:00 საათზე, დინამო არენაზე გაიმართება.
