ვეტერანმა მონფილსმა მე-4 ნომრად განთესილი ფრიცი სახლში გაუშვა

მიმდინარე ავსტრალიის ღია პირველობას მეოთხე ნომრად განთესილი, ამერიკელი ტეილორ ფრიცი გამოეთიშა.

მსოფლიო რეიტინგის მე-4 ნომერი სახლში 38 წლის ვეტერანმა, გაელ მონფილსმა გაუშვა.

მელბურნ პარკში გამართული დაპირისპირება 3 საათსა და 8 წუთს გაგრძელდა და ფრანგის გამარჯვებით, 3:6 7:5 7:6 (1) 6:4 დასრულდა.

მონფილსი მე-4 წრეში გავიდა, სადაც კიდევ ერთ ამერიკელს, ბენ შელტონს დაუპირისპირდება, რომელმაც თავის მხრივ ასევე ოთხ სეტში იტალიელი მუსეტი გაუშვა სახლში.