MLS-ის მორიგ სათამაშო დღეს ატლანტა იუნაიტედი ნიუ იორკ სიტის დაუპირისპირდა. მატჩი ფრედ 2-2 დასრულდა.
სასტარტო შემადგენლობაში იყო საქართველოს ნაკრების წევრი საბა ლობჟანიძე.
შეხვედრაში ანგარიში პირველივე წუთზე გაიხსნა. 21-ე წამზე საბას პასით მექსიკელმა დანიელ რიოსმა შეძლო გოლის გატანა. ეს ატლანტას ისტორიაში ყველაზე სწრაფი გოლი აღმოჩნდა.
38-ე წუთზე ქართველმა უკვე თავადაც მიითვალა გოლი და მასპინძელთა უპირატესობა ორამდე გაზარდა.
ატლანტამ პირველი ტაიმი მოიგო, თუმცა მატჩის ბოლომდე ანგარიშის შენარჩუნება ვერ შეძლო და 2 გოლი გაუშვა, საბოლოოდ კი ფრეს დასჯერდა ლობჟანიძე 75-ე წუთზე შეცვალეს.
აღმოსავლეთ კონფერენციაში 24 მატჩის შემდეგ ქართველის გუნდი 25 ქულით მე-12 ადგილზეა და პლეიოფის ზონას 2 ქულით ჩამორჩება.
საბა ლობჟანიძის ანგარიშზე MLS-ის მიმდინარე სეზონში უკვე 6 გოლი და 4 საგოლე გადაცემაა.
