ვიდეო: ბოსტონი ჩემპიონობას მიუახლოვდა

NBA-ს ფინალური სერიის მე-3 მატჩში დალას მავერიქსმა ბოსტონ სელტიკსს უმასპინძლა.

შეხვედრა ამ უკანასკნელის გამარჯვებით 99-106 დასრულდა და სერიაში ანგარიში 0-3 გახდა.

გამარჯვებულ გუნდს 31 ქულით ჯეისონ ტეიტუმმა ულიდერა, ჯეილენ ბრაუნმა კი 30 ქულა მიითვალა.

მასპინძლებიდან კაირი ირვინგის 35 და ლუკა დონჩიჩის 27 ქულა კი საკმარისი არ აღმოჩნდა.

ბოსტონი ჩემპიონობას უკვე სერიოზულად მიუახლოვდა და ტრიუმფამდე სელტიკსს უკვე 1 გამარჯვება აშორებს.

დალას მავერიქსისთვის კი მისიის შესრულება თითქმის შეუძლებელი ხდება.

გუნდებს შორის მე-4 თამაში 15 ივნისს გაიმართება.