VIDEO: ჩაკვეტაძის ბრწყინვალე თამაში და საგოლე გადაცემა

ინგლისის ჩემპიონშიფის 34-ე ტურში უოტფორდმა ლუტონს უმასპინძლა. სასტარტო შემადგენლობაში იყო გიორგი ჩაკვეტაძე, რომელიც მატჩის კომპენსირებულ დროში (96-ე წუთი) შეცვალეს.

პირველ ტაიმში მასპინძლებმა ორი უპასუხო ბურთი გაიტანეს და საბოლოოდ შეხვედრა 2-0 დასრულდა კიდეც.

მე-11 წუთზე ანგარიში აიოტომივა დელე-ბაშირუმ პენალტით გახსნა, 23-ე წუთზე კი გიორგი ჩაკვეტაძის ბრწყინვალე თამაშისა და საგოლე პასის შემდეგ სხვაობა ორამდე ედო კაიემბემ გაზარდა.

23' კაიემბე (ჩაკვეტაძე) 2-0

უოტფორდი ამ გამარჯვების შემდეგ 48 ქულას აგროვებს და სატურნირო ცხრილში მე-9 ადგილზე იმყოფება. პრემიერ ლიგაში დასაწინაურებელი პლეიოფის ზონამდე ტომ კლევერლის გუნდს 3 ქულა აშორებს.

გიორგი ჩაკვეტაძემ ლუტონთან მატჩში Sofascore-სგან 7.3 შეფასება დაიმსახურა. ქართველის ანგარიშზე ჩემპიონშიფის მიმდინარე სეზონში 2 გოლი და 6 საგოლე გადაცემაა.

"ის ზედმეტად კარგია ამ ლიგისთვის" - გულშემატკივრების კომენტარები ჩაკვეტაძის თამაშზე