ცნობილმა სპორტულმა ბრენდმა, ადიდასმა სარეკლამო ვიდეო გამოაქვეყნა, რომელშიც მონაწილეობას პარი სენ-ჟერმენის მოთამაშეები - ხვიჩა კვარაცხელია, უსმან დემბელე და ნუნუ მენდეში იღებენ ფრანგ მსახიობ მალიკ ბენტალასთან ერთად.
"როცა სამოგზაურო გეგმები ჯგუფის ჩატს სცდება" - წერს ადიდასის ოფიციალური გვერდი.
ვიდეოში მოთამაშეები მოგზაურობას გეგმავენ და მიუნხენისკენ მიმავალ გზაზე ბირმინგემში ჩასვლა უწევთ. ჩემპიონთა ლიგის ფინალი სწორედ მიუნხენში გაიმართება, პსჟ კი 1/4 ფინალში ბირმინგემულ ასტონ ვილას დაუპირისპირდება.
