VIDEO: მზადება მუნდიალისთვის — ევროპის ჩემპიონმა სერბეთი გაანადგურა

მსოფლიო ჩემპიონატისთვის მზადების პროცესში ესპანეთის ნაკრებმა საკუთარ მოედანზე ამხანაგურ მატჩში სერბეთი 3:0 გაანადგურა.

დუბლი მიკერ ოიარსაბალმა მიითვალა, ერთი გოლი კი ვიქტორ მუნიოსმა გაიტანა, რომლისთვისაც ეს ნაკრებში სადებიუტო მატჩი იყო და მან ქვეყნის მთავარ გუნდში გამოძახება პირდაპირ გოლით აღნიშნა. 

ცნობისთვის, მუნიოსი მადრიდის რეალიდან ოსასუნაში გასულ ზაფხულს გადავიდა, სადაც ამ სეზონში თავი ბრწყინვალედ გამოიჩინა და ნაკრებშიც დაიმსახურა გამოძახება.

1-0 ოიარსაბალი 16'

2-0 ოიარსაბალი 43'

3-0 მუნიოსი 72'