ახალი სეზონისთვის მზადების პროცესში ბარსელონამ პირველი ამხანაგური მატჩი იაპონურ ვისელ კობესთან გამართა.
მატჩი ბარსას გამარჯვებით 3:1 დასრულდა. კატალონიელთა რიგებში გოლებით თავის გამოჩენა ერიკ გარსია (33'), ახალწვეულმა რონი ბარდაგჯიმ (77') და 17 წლის ახალგაზრდა პედრო ფერნანდესმა (87') შეძლეს.
ბარსას მაისურით სადებიუტო მატჩი მარკუს რაშფორდმა ჩაატარა, რომელიც მოედანზე მეორე ნახევრის სტარტზე გამოვიდა და 78-ე წუთამდე ითამაშა, რის შემდეგაც ადგილი სწორედ მესამე გოლის ავტორ პედროს დაუთმო.
შემდეგ შეხვედრას ბარსელონა 31 ივლისს სამხრეთ კორეული სეულის წინააღმდეგ გამართავს.