VIDEO: როჯერსის დუბლი მანჩესტერთან - ასტონ ვილას ზედიზედ მე-10 მოგება

ინგლისის პრემიერ ლიგის მე-17 ტურში ასტონ ვილა ვილა პარკზე მანჩესტერ იუნაიტედს დაუპირისპირდა.

პირველი ტაიმის ბოლოს, 3-წუთიან მონაკვეთში გუნდებმა გოლები გაცვალეს. 45-ე წუთზე ბრწყინვალე დარტყმით ანგარიში მორგან როჯერსმა გახსნა, კომპენსირებულ დროში კი მეტოქის შეცდომით მატეუშ კუნიამ ისარგებლა.

მეორე ტაიმში მატჩის ბედი ერთმა გოლმა გადაწყვიტა. 57-ე წუთზე მორგან როჯერსმა დუბლი შეასრულა და საბოლოოდ ასტონ ვილას 3 ქულა მოუტანა.

ბირმინგემელებმა ყველა ტურნირზე ზედიზედ მე-10 მატჩი მოიგეს, პრემიერ ლიგაში კი 36 ქულა დაუგროვდათ და მე-3 ადგილზე იმყოფებიან.

უნაი ემერის გუნდი ცხრილის ლიდერ არსენალს 3 ქულით ჩამორჩება, მეორეადგილოსან მანჩესტერ სიტის კი - 1 ქულით.

45' როჯერსი 1-0

45+3' კუნია 1-1

57' როჯერსი 2-1