საუდის არაბეთის პრო ლიგის 27-ე ტურში ალ ნასრმა ალ რიადი მიიღო და 2-1 დაამარცხა.
გამარჯვებული გუნდის მხრიდან დუბლი შეასრულა კრიშტიანუ რონალდუმ, პორტუგალიელის მეორე გოლი განსაკუთრებით ლამაზი გამოვიდა.
მან მიწაზე დაუშვებლად ერთი შეხებით გაგზავნა ბურთი კარისკენ, რომელიც ჯერ ხარიხას შემდეგ კი ძელს მოხვდა და ისე გაეხვა ბადეში.
რონალდუმ კარიერაში 932-ე და 933-ე გოლები გაიტანა. მიმდინარე სეზონში კი მის ანგარიშზე 23 გოლია და ბომბარდირთა დავას ლიდერობს.
ალ ნასრი კი 57 ქულით ჩემპიონატში მე-3 ადგილზეა და ლიდერ ალ იტიჰადს 8 ქულით ჩამორჩება.
