VIDEO: მესის გარეშე არგენტინამ ბრაზილია გაანადგურა და მსოფლიო ჩემპიონატზე გავიდა

2026 წლის მსოფლიო ჩემპიონატის საკვალიფიკაციო ეტაპზე, სამხრეთ ამერიკის ზონაში სუპერკლასიკო გაიმართა. არგენტინის ნაკრებმა ბუენოს აირესში, ესტადიო მონუმენტალზე ბრაზილია მიიღო.

ამ შეხვედრამდე ბოლივიისა და ურუგვაის მატჩი 0-0 დასრულდა და არგენტინამ ოფიციალურად გაინაღდა მსოფლიო ჩემპიონატის საგზური.

თამაშში ანგარიში სწრაფი გოლით გაიხსნა, მე-4 წუთზე მასპინძლები ხულიან ალვარესმა დააწინაურა. მე-12 წუთზე სხვაობა ორამდე ენცო ფერნანდესმა გაზარდა.

26-ე წუთზე კრისტიან რომეროს შეცდომით მატეუს კუნიამ ისარგებლა და ერთი ბურთი გაქვითა.

37-ე წუთზე ენცო ფერნანდესის პასის შემდეგ ანგარიში 3-1 ალექსის მაკ ალისტერმა გახადა და პირველი ტაიმი ასეც დასრულდა.

მეორე ტაიმში არგენტინელებმა კიდევ ერთი გოლის გატანა შეძლეს. 71-ე წუთზე ნაკრებში სადებიუტო გოლი დიეგო სიმეონეს შვილმა, ჯულიანომ მიითვალა.

არგენტინამ ბრაზილია 4-1 გაანადგურა და ამ მომენტისთვის ერთადერთი გუნდია სამხრეთ ამერიკიდან, რომელმაც მსოფლიო ჩემპიონატზე გასვლა გაინაღდა. ბრაზილია 21 ქულით მე-4 ადგილზეა.

ბრაზილია არგენტინას 5 მატჩია ვერ ამარცხებს