ჩოხელი: ,,თუ საქართველოს სახელით არ ვიასპარეზებ, სპორტში არ ვიქნები"

ლევან ჩოხელმა მისთვის საქართველოს სახელით ასპარეზობის მნიშვნელობასა და მერაბ დვალიშვილის მოსამზადებელ კემპზე ისაუბრა.

თუ საქართველოს სახელით არ ვიასპარეზებ, სპორტში არ ვიქნები.

პირველად რომ წავედი ემიგრაციაში, გერმანიაში მომიწია წასვლა, სადაც რამდენიმე თვეში დამენიშნა ძალიან მნიშვნელოვანი ბრძოლა ძალიან სერიოზული მეტოქის წინააღმდეგ, ჩეჩენი მებრძოლი იყო. 

მე ვიყავი ანდერდოგი, ის იყო ძალიან დიდი ფავორიტი და დავამარცხე 2 წუთში. მთელი დარბაზი მას უჭერდა მხარს და ისე წავიდა ბრძოლა და ისე დამაჯერებლად დავამარცხე, რომ არანაირი შანსი არ დავუტოვე.

ორგანიზაციას იმხელა შთაბეჭდილება შეექმნა ჩემზე, რომ ჩემს მწვრთნელს ესაუბრნენ, გამოკითხეს ჩემზე დეტალები და ასეთი შემოთავაზება ჰქონდათ, რომ თუ გერმანიის სახელით გავაგრძელებდი ბრძოლას, დამეხმარებოდნენ, რომ UFC-ში მოვხვედრილიყავი.

იმ დროისთვის UFC-ში მოხვედრა ჩემი მთავარი მიზანი იყო და შეიძლება ამას უკეთესი ფინანსური კეთილდღეობა მოჰყოლოდა, მაგრამ თითოეული წარმატება, რაც შეიძლება მოვუტანო ჩემს ქვეყანას, მირჩევნია ჩემი ქვეყნის სახელით გავაკეთო.

მერაბს ძალიან მნიშვნელოვანი და პრინციპული ბრძოლა ელოდება წინ და არა მარტო მე, არამედ სრულიად საქართველო მის გვერდზეა და ელოდება მის გამარჯვებას.

შეიძლება ქამარი ამ ეტაპზე არ აქვს, მაგრამ ის ჩემთვის ჩემპიონია.

მე და მერაბი ერთ ქალაქში, ვეგასში ვცხოვრობთ და გვიწევს ხოლმე კვირაში რამდენჯერმე ერთად ვარჯიში. მისი მოსამზადებელი კემპი ბევრჯერ მინახავს და იქაც ბევრჯერ ვყოფილვარ. 

ჩემი აზრით, ეს კემპი პროფესიულად ყველაზე სწორად და კარგად მიდის, ვიდრე აქამდე გაუკეთებია მას და დარწმუნებული ვარ პიოტრ იანთან შემდეგ ბრძოლაში აუცილებლად გაიმარჯვებს." - ამბობს UFC-ის ქართველი მებრძოლი.

24 ოქტომბერს, მერაბ დვალიშვილი აბუ დაბიში სუპერმსუბუქი დივიზიონის სატიტულო ბრძოლაში პიოტრ იანს დაუპირისპირდება და ქამრის დაბრუნებას შეეცდება.

"მერაბმა მინდა ერთი რამ იცოდეს" - გორგოძე დვალიშვილს მიმართავს