ესპანეთის ლა ლიგის მე-12 ტურში გიორგი მიქაუტაძის ვილიარეალმა შინ საბა საზონოვის ხეტაფე 2:0 დაამარცხა.
ქართველი თავდამსხმელი ვილიარეალის ძირითად შემადგენლობაში დაუბრუნდა და აქტიურობით გამოირჩეოდა, ხოლო საბა საზონოვი სათადარიგოთა სკამზე დარჩა.
მატჩის ბედი მეორე ტაიმის მიწურულს გადაწყდა. მე-80 წუთზე მასპინძლები კანადელმა ლეგიონერმა, ტაიონ ბუკენენმა დააწინაურა, ხოლო საბოლოო ანგარიში 90+2-ე წუთზე კარლოს რომერომ დააფიქსირა.
ამ გამარჯვების შემდეგ ვილიარეალმა 15 ქულა დააგროვა და სატურნირო ცხრილში მე-8 ადგილზე იმყოფება.
