ალექს პერეირას საჯარო კრიტიკის საპასუხოდ, მსაჯმა ჰერბ დინმა სოციალური ქსელების საშუალებით ვიდეო მიმართვა გაავრცელა, სადაც მან თავისი გადაწყვეტილებები დაიცვა და განმარტა, თუ რატომ არ ჩათვალა სირილ განეს დარტყმები უკანონოდ.
ბრძოლის დასრულების შემდეგ პერეირამ პირდაპირ დინი დაადანაშაულა და მისთვის სათანადო სასჯელის დაკისრება მოითხოვა, რადგან თვლიდა, რომ განიმ კეფის არეში მიყენებული დარტყმებით გაიმარჯვა.
„აკრძალული ილეთები გამოიყენა", - ალექს პერეირა დაუყონებლივ რევანშს ითხოვს
ჰერბ დინმა, რომელიც მებრძოლთა კრიტიკის სამიზნე ხშირად ხდება, საზოგადოებას განუმარტა, რომ კეფის არე UFC-ის წესებით უფრო ვიწროდ განიმარტება, ვიდრე კრივის წესებში.
მან მოდელის გამოყენებით აჩვენა, რომ აკრძალულ ზონას მხოლოდ კისრის უკანა ნაწილი და ხერხემლის გასწვრივ მდებარე ერთ ინჩიანი არეალი მიეკუთვნება. მსაჯის თქმით, ეს დეტალები მებრძოლებთან ბრძოლის წინ გამართულ შეხვედრებზეც განიხილება.
მიუხედავად დინის განმარტებებისა, გულშემატკივრებსა და ექსპერტებში აზრთა სხვადასხვაობა კვლავ რჩება. ბევრისთვის სირილ განეს ტაქტიკა ბრძოლის დაძაბულ მომენტებში ზღვარზე გადაბიჯებაა, რაც არაერთხელ გამხდარა დავის საგანი.
თავად პერეირასთვის, რომელიც მძიმე წონაში დებიუტს წარუმატებლად შეხვდა, ეს მარცხი საკმაოდ მტკივნეული აღმოჩნდა, განსაკუთრებით იმ ფონზე, რომ მან ბრძოლამდე მსაჯი სპეციალურად გააფრთხილა განეს აგრესიული სტილის შესახებ.
