22 წლის ფეხბურთელი კრისტიან ვოლპატო, რომელმაც 2026 წლის მსოფლიო ჩემპიონატზე ავსტრალიის ეროვნული ნაკრების შემადგენლობაში იბრწყინა, სიდნეიში პოლიციამ დააკავა.
როგორც ნიუ-უელსის შტატის პოლიციის ოფიციალურ განცხადებაშია აღნიშნული, ვოლპატო სიჩქარის გადაჭარბებისთვის ერთ ღამეში ორჯერ გააჩერეს.
პირველ ჯერზე, დაახლოებით 23:00 საათზე, მან ალკოტესტი წარმატებით გაიარა, თუმცა სიჩქარის გადაჭარბებისთვის საჯარიმო ქვითარი მიიღო. დაახლოებით ორ საათში, ცენტრალურ ხიდზე (Anzac Bridge) პოლიციამ ფეხბურთელი მეორედ, ამჯერად უკვე 109 კმ/სთ სიჩქარით მოძრაობისას დააფიქსირა, მაშინ როცა დასაშვები ზღვარი 60 კმ/სთ იყო.
კონტროლის დროს ჩატარებულმა ექსპრეს-ნარკოტესტმა კოკაინზე დადებითი პასუხი აჩვენა.
ფეხბურთელს მეორადი ნიმუში დამატებითი ანალიზისთვის აუღეს, ხოლო საერთაშორისო მართვის მოწმობა 6 თვით შეუჩერეს. ცნობილია, რომ ვოლპატოს კრიმინალური ბრალდება ოფიციალურად ჯერ არ წაყენებია, ხოლო მისი ახლო გარემოცვის და მწვრთნელის თქმით, ფეხბურთელი აკრძალული ნივთიერების მოხმარებას კატეგორიულად უარყოფს.
