ოფიციალურად: მაგუაირმა მანჩესტერთან კონტრაქტი გაახანგრძლივა

ჰარი მაგუაირმა მანჩესტერ იუნაიტედთან ახალი კონტრაქტი გააფორმა, რომელიც მის დარჩენას კლუბში 2027 წლის ივნისამდე უზრუნველყოფს, დამატებით ერთი წლის გახანგრძლივების შესაძლებლობით.

ცენტრალურ მცველს 2019 წელს მანჩესტერში გადასვლის შემდეგ ჩატარებული აქვს 266 მატჩი და მოგებული აქვს კარაბაოს თასი და ინგლისის FA თასი.

„მანჩესტერ იუნაიტედის ღირსეიბს დაცვა არის უდიდესი პატივი. ეს არის პასუხისმგებლობა, რომლითაც მე და ჩემი ოჯახი ყოველდღიურად ვამაყობთ.

ძალიან მიხარია, რომ ვაგრძელებ ჩემს გზას ამ საოცარ კლუბში მინიმუმ 8 სეზონის განმავლობაში და ვაგრძელებ თამაშს ჩვენი განსაკუთრებული გულშემატკივრების წინაშე, რათა ერთად შევქმნათ კიდევ ბევრი დაუვიწყარი მომენტი.

შეგიძლიათ იგრძნოთ ამ გუნდის ამბიცია და პოტენციალი. მთელი კლუბის მონდომება, რომ იბრძოლოს მთავარი ტიტულებისთვის, ყველასთვის ნათელია და დარწმუნებული ვარ, რომ ჩვენი საუკეთესო მომენტები ჯერ კიდევ წინ არის.“ - განაცხადა ინგლისელმა მცველმა.