სტამბოლის ფენერბაჰჩემ ნგოლო კანტეს ტრანსფერი ოფიციალურად დაადასტურა.
საფრანგეთის ნაკრების 34 წლის ნახევარმცველმა თურქულ კლუბთან კონტრაქტი 2028 წლამდე გააფორმა.
შეგახსენებთ, რომ კანტემ საუდის არაბეთის ალ იტიჰადთან ხელშეკრულება ორმხრივი შეთანხმების საფუძველზე გაწყვიტა. ჩელსის ყოფილი ვარსკვლავი საუდურ კლუბში 2023/24 წლების სეზონიდან გამოდიოდა, ახლა კი კარიერას ისევ ევროპაში გააგრძელებს.
საინტერესოა, რომ საპირისპირო მიმართულებით, ფენერბაჰჩედან ალ იტიჰადში, ანალოგიური სქემით — კონტრაქტის გაწყვეტით — თავდამსხმელი იუსეფ ენ-ნესირი გადავიდა. ფაქტობრივად, კლუბებმა წამყვანი მოთამაშეები გაცვალეს.
