ოქროსთვის - იური ლომაძე ევროპის ჩემპიონატის ფინალში იჭიდავებს

ალბანეთის დედაქალაქ ტირანაში მიმდინარე ბერძნულ-რომაული ჭიდაობის ევროპის ჩემპიონატზე, იური ლომაძემ ფინალის საგზური მოიპოვა.

72 კგ. წონით კატეგორიაში, ლომაძემ საკვალიფიკაციო ეტაპზე 1 შეხვედრა მოიგო, 1/4 ფინალში ხორვატი პაველ პუკლავეჩი 11:0 გაანადგურა, ხოლო 1/2 ფინალში თურქ ჯენგიზ არსლანს 3:2 აჯობა და ფინალში ასპრეზობის უფლება მიიღო.

ქართველი სპორტსმენი ფინალში შეხვდება 31 წლის ფრანგ იბრაჰიმ ღანემს, რომელიც მსოფლიო ჩემპიონი (2023) და ევროპის მოქმედი ჩემპიონია. თავად ლომაძეს ევროპის ჩემპიონატზე - 2020 წელს ვერცხლის, ხოლო 2024 წელს ბრინჯაოს მედალი აქვს მოგებული.

იურის მედალი განაღდებული აქვს, დიეგო ჩხიკვაძე (67 კგ.) და გელა ბოლქვაძე (82 კგ.) კი ბრინჯაოს მედლისთვის იჭიდავებენ. ფინალური ბლოკი 20:00 საათიდან იწყება.

შეგახსენებთ, ჩვენს ნაკრებს ტურნირზე 2 მედალი აქვს და 2-ვე ვერცხლის - ვახტანგ ლოლუამ (55 კგ.) და რამაზ ზოიძემ (77 კგ.) ევროპის ვიცე-ჩემპიონის სტატუსი მიიღეს.

ევროს ზედიზედ მეორე ფინალი წააგო - ზოიძე კვლავ ლეგენდარულ ამოიანთან დამარცხდა